Privacidade

Visitas ao portal e ao mapa

Mesh Galicia e Mesh Noroeste non dispoñen de contas de usuario nin formularios de rexistro. Os servidores poden gardar temporalmente datos técnicos básicos, como o enderezo IP, a data e hora, o recurso solicitado e o axente de usuario, para operar e protexer o servizo e investigar incidencias.

Estes rexistros non se empregan para crear perfís de visitantes e consérvanse só durante o tempo necesario para a operación, seguridade e diagnóstico.

Cookies, analítica e preferencias

Non empregamos publicidade, ferramentas propias de analítica nin cookies de seguimento. Algunhas preferencias da interface do mapa, como os paneis ou filtros abertos, poden gardarse unicamente no navegador da persoa visitante.

Os enlaces a proxectos e servizos externos están suxeitos ás súas propias condicións e políticas de privacidade.

A posición da persoa que consulta o mapa

O botón «A miña posición» só solicita a localización despois dunha acción explícita e do permiso do navegador. Esa posición utilízase no propio dispositivo para centrar o mapa e mostrar a precisión aproximada.

Mesh Noroeste non envía esa localización ao seu servidor, non a incorpora aos datos do mapa e non a conserva.

Datos públicos dos nodos

Mesh Noroeste agrega, normaliza e deduplica información publicada por Malha Portugal, Comunidade O Zulo, MeshCore Map e o MeshCore Hub de Mesh Galicia. A presenza dun nodo no visor non implica que Mesh Galicia coñeza, identifique ou represente a persoa que o utiliza.

Segundo a información dispoñible, o mapa pode mostrar:

• identificadores técnicos e nomes publicados polo nodo;
• rede, rol, tipo, hardware e fontes de procedencia;
• coordenadas, altitude, precisión e data da posición;
• primeira e última observación dentro da xanela visible;
• métricas técnicas, parámetros de radio e actividade;
• conexións, veciñanzas ou traceroutes publicados polas fontes.

Finalidade e límites do mapa

Estes datos utilízanse para representar e comprender o estado técnico das redes Meshtastic e MeshCore. Non se empregan para identificar propietarios, inferir domicilios, reconstruír movementos nin relacionar os nodos con contas ou perfís persoais.

Os nomes, posicións e demais campos proceden dos propios nodos ou das fontes integradas e poden ser aproximados, antigos, incompletos ou incorrectos. Un marcador non debe interpretarse como a localización exacta dunha persoa ou dun domicilio.

O mapa non debe utilizarse para localizar, acosar ou vixiar persoas.

Publicación e conservación dos datos

Mesh Noroeste mantén varias vistas con finalidades e períodos de conservación diferentes. A presenza dun dato nunha delas non implica que se conserve durante o mesmo tempo nas demais.

Mapa principal

No mapa principal, os nodos clasifícanse como activos durante as primeiras 24 horas, recentes ata os 7 días e históricos visibles ata un máximo de 30 días. Un nodo cuxa observación máis recente supera os 30 días deixa de aparecer nos documentos públicos do mapa.

As observacións completas de nodos e conexións do mapa consérvanse durante un máximo de 30 días. Despois poden permanecer só cursores técnicos mínimos —fonte, identificadores e última data recibida— necesarios para impedir que unha fonte restaure continuamente snapshots antigos como se fosen datos novos.

Estes cursores mínimos non conservan nomes, coordenadas, altitude, telemetría, parámetros de radio nin outros detalles completos da observación.

Live

A vista Live de Mesh Noroeste presenta actividade Meshtastic recente procedente da infraestrutura de Comunidade O Zulo. O documento público Live conserva unha xanela deslizante aproximada dunha hora.

Live é unha ferramenta de observación de tráfico recente e non unha representación completa da rede nin un rexistro permanente de toda a actividade.

Histórico de actividade

Os eventos utilizados pola vista histórica de Mesh Noroeste consérvanse nunha base separada durante un máximo de 30 días. A publicación histórica organízase por períodos horarios e elimina os documentos que deixan de estar dentro desa xanela de retención.

Experimento LongFast / NarrowFast

Mesh Noroeste mantén tamén unha base separada para as observacións empregadas na análise experimental de LongFast e NarrowFast. Esta base conserva identificadores técnicos de eventos e nodos emisores, preset observado, momento da observación, métricas de recepción, información agregada sobre gateways e etapas e determinadas telemetrías técnicas cando están dispoñibles.

Actualmente esta base experimental non aplica unha eliminación automática por antigüidade. Os datos mantéñense para permitir a comparación temporal do experimento e a elaboración dos informes e exportacións correspondentes. Se se establece unha política de retención específica, actualizarase esta información.

Fontes externas

Cada fonte externa pode aplicar os seus propios criterios de actualización, conservación, corrección e retirada. A eliminación dun dato en Mesh Noroeste non implica a súa eliminación na fonte orixinal.

Corrección ou retirada dun nodo

Pódese solicitar a retirada local dun nodo, a corrección dun erro propio de Mesh Noroeste ou a revisión dunha posición ou dato claramente incorrecto. A solicitude debe incluír, sempre que sexa posible, o identificador completo do nodo, xa que os nomes poden repetirse ou cambiar.

As solicitudes poden enviarse aluz.ponte@proton.meou compartirse a través dacomunidade de Mesh Galicia. Os datos persoais incluídos nestas comunicacións non se incorporan ao repositorio público.

A retirada en Mesh Noroeste elimina o nodo, as súas observacións, os avisos derivados e as conexións nas que participa. Non elimina automaticamente a información conservada ou publicada pola fonte externa orixinal.

Control sobre o que publica un nodo

A publicación dunha posición é voluntaria e depende da configuración do dispositivo e dos servizos aos que se conecta. Antes de compartir posición, telemetría ou información identificable, revisa a precisión e os datos configurados no nodo.

A páxinasobre o mapaexplica como interpretar as posicións, as fontes e as limitacións do visor.