Tecnoloxías
Meshtastic e MeshCore: que cambia entre as dúas redes
Poden empregar dispositivos parecidos, pero non forman a mesma rede. Aquí podes comparar como funcionan, que información mostran e baixo que licenzas se desenvolven.
En común
O mesmo medio de radio, dúas redes independentes
Radio LoRa
Os nodos intercambian pequenos paquetes de datos por radio. En Europa emprégase a banda de 868 MHz.
Rede entre nodos
Os dispositivos próximos poden comunicarse directamente e a rede pode axudar a levar información máis alá.
Construción comunitaria
A cobertura depende dos nodos dispoñibles, da súa localización e dunha configuración coordinada.
Código aberto, con condicións distintas.Os dous proxectos publican código principal, pero empregan licenzas diferentes. A comparación seguinte explica o alcance de GPL-3.0 e MIT; as aplicacións e servizos externos poden ter as súas propias licenzas.
Meshtastic e MeshCore non son interoperables: un nodo con firmware Meshtastic non forma parte dunha rede MeshCore, nin ao contrario.
Comparación directa
Meshtastic e MeshCore, lado a lado
Esta táboa resume as diferenzas máis útiles antes de entrar no detalle de cada proxecto.
| Aspecto | Meshtastic | MeshCore |
|---|---|---|
| Enfoque principal | Explorar a rede, intercambiar mensaxes e consultar datos dos nodos. | Conversar mediante contactos e canles apoiados por repeaters e room servers. |
| Estrutura da rede | Emprega roles de dispositivo nunha rede que intercambia distintos tipos de paquetes. | Diferencia companions, repeaters e room servers con funcións máis delimitadas. |
| Información visible | Pode mostrar nodos, posición, telemetría, traceroutes e actividade recibida. | Pon o foco nos contactos, anuncios, mensaxes e canles, con menos información secundaria. |
| Coordinación comunitaria | Cómpre coordinar presets, canles, roles e intervalos para limitar o tráfico innecesario. | Cómpre coordinar os parámetros de radio, os repeaters e a frecuencia dos anuncios. |
| Licenza principal | Firmware oficial: GPL-3.0Licenza copyleft: ao distribuír modificacións deben conservarse as condicións da GPL e facilitarse o código correspondente. | Núcleo principal: MITLicenza permisiva: permite reutilizar e redistribuír o código mantendo os avisos esixidos pola licenza. |
A licenza inflúe nas condicións de reutilización e distribución do código, pero non determina por si soa o rendemento técnico da rede.
Mensaxes, nodos e telemetría
Meshtastic
Un protocolo e un conxunto de aplicacións para intercambiar mensaxes e información entre radios LoRa. A aplicación mostra os nodos coñecidos e pode presentar posición, telemetría e outros datos cando están activados.
Como se emprega
- Mensaxes directas e canles compartidas.
- Lista de nodos observados pola radio.
- Posición e telemetría opcionais.
- Aplicacións para móbil, web e outros sistemas compatibles.
- Posibilidade de integración con MQTT cando se configura.
Contactos, salas e repetidores
MeshCore
Un protocolo lixeiro orientado á comunicación mediante contactos e canles, cunha estrutura que diferencia os equipos persoais dos repetidores e dos servidores de sala.
Como se emprega
- Companions conectados á aplicación por Bluetooth ou USB.
- Contactos descubertos mediante anuncios.
- Mensaxes directas e canles compartidas.
- Repeaters que amplían a rede de radio.
- Room servers para conversas e funcións persistentes.
Como escoller
A mellor opción é a que encaixa co que queres probar
Quero máis información sobre a rede
Meshtastic adoita mostrar máis detalle sobre os nodos, a posición, a telemetría e a actividade recibida.
Quero unha experiencia centrada na conversa
MeshCore organiza a experiencia arredor de contactos, canles, anuncios, repeaters e room servers.
Quero comparar na práctica
Podes manter dispositivos separados para cada rede. Non son interoperables, pero poden convivir na mesma comunidade.
Seguinte paso
Instalar, configurar e aplicar boas prácticas
As guías recollen os instaladores oficiais, a configuración utilizada en Galicia e criterios de boas prácticas para non engadir tráfico innecesario á rede.