🧪 Un novo experimento para mellorar a nosa rede
Esta proba busca comprobar se podemos mellorar algunhas das limitacións actuais (especialmente a latencia e a capacidade de crecemento) mantendo a robustez dos enlaces e avaliando o comportamento da rede en Narrow.
🌐 Para isto, lanzamos o portal de datos mesh.gal/experiment, que recollerá de forma automática todos os datos proporcionados pola MQTT comunitaria do Zulo. Recomendamos a súa utilización.
👉 Preme aquí para ver como engadilo
✍️ Tamén estará dispoñible este formulario para pasar datos de forma manual. Estes serán engadidos ao portal de datos.
🔎 Todos os datos serán públicos e contrastables.
🚀 Por que NarrowFast?
Un preset Narrow demostrou ser eficaz noutros sistemas, un claro exemplo témolo aquí con MeshCore, e tamén con Meshtastic noutros lugares da Península. Este é tamén un preset oficial incluído na futura versión 2.8 do firmware.
AQ==Ademais, con NarrowFast estaremos usando o slot 1, polo que non pisamos a nosa rede MeshCore (slot 3). Deste xeito as dúas redes saen fortalecidas.
⚙️ Abrir guía de configuración
🎯 Que debemos demostrar?
Durante a proba queremos comprobar se conseguimos replicar os resultados das probas a menor escala:
📶 Un alcance similar a LongFast
📈 Melloras no SNR e RSSI
⚡ Menor latencia
📉 Menor ocupación da canle
🛡️ Maior resistencia de certos nodos fronte ás interferencias
🔋 Menor consumo, sobre todo nos nodos con moito tráfico
🔬 Que hai detrás de NarrowFast?
Estes beneficios lógranse grazas á división da frecuencia en tres slots estreitos, contando ademáis con salvagardas entre eles.
Isto permite ser máis selectivos no envío e recepción, evitando parte do ruído de fondo e obtendo un balance equilibrado entre alcance e velocidade.
📅 Data das probas
As probas comezarán o 5 de setembro e prolongaranse durante un mes.
Unha vez rematado o período de probas, e cos datos sobre a mesa 📊, votaremos para decidir se quedamos con NarrowFast ou se, pola contra, voltamos a LongFast.
🤝 Grazas por facer rede.
🌐 Grazas por experimentar, medir e compartir os datos.